කැලණිය, මානෙල්වත්ත, නාගානන්ද ජාත්යන්තර බෞද්ධ අධ්යයන ආයතනයේ බෞද්ධ අධ්යයන පීඨය මඟින් සංවිධානය කරනු ලබන සතිමග්ග වැඩසටහන යටතේ දහඅටවන භාවනා පුහුණු වැඩසටහන 2024.06.16 වන ඉරිදා දින නාගානන්ද ජාත්යන්තර බෞද්ධ අධ්යයන ආයතන පරිශ්රයේදී පැවැත්වූ අතර එම වැඩසටහනෙහි සම්පත්දායකයාණන් වහන්සේ ලෙස පූජ්ය බලංගොඩ ආනන්ද චන්ද්රකීර්ති ස්වාමීන්ද්රයන් වහන්සේ වැඩම කොට වදාළහ.
ඒ සඳහා බෞද්ධ අධ්යයන පීඨයේ අධ්යයන කාර්ය මණ්ඩලය, භික්ෂූන් වහන්සේ, බුද්ධශ්රාවිකාවන් ඇතුලු සතිමග්ග වැඩසටහනෙහි සාමාජික සාමාජිකාවන් විශාල පිරිසක් ද සහභාගී විය.
මෙම වැඩසටහන කථිකාචාර්ය පූජ්ය පස්ගොඩ සුමිත්ත හිමියන්ගේ අනුශාසනා ඇතිව බෞද්ධ අධ්යයන පීඨයේ, කථිකාචාර්ය, පශ්චාත් උපාධි අධ්යයන පීඨයේ, වැඩබලන පිඨාධිපති, ආචාර්ය හසන්ත සමරසිංහ මහතා විසින් සම්බන්ධීකරණය කරනු ලැබේ.
